AMFANIN GANYEN SHUWAKA GA LAFIYAR DAN'ADAM

AMFANIN GANYEN SHUWAKA GA LAFIYAR DAN'ADAM

Mutane da dama suna amfani da shuwaka ne kawai a matsayin ganyen miya, amma idan an yi amfani da shi yadda ya kamata, yana da fa'idodi da dama na magani. Masana bincike kan magunguna sun gano cewa ganyen shuwaka na dauke da sinadarai masu amfani wajen magance cututtuka daban-daban kamar haka:

1. Ciwon Hanta

Ganyen shuwaka magani ne mai kyau don ciwon hanta. Ana amfani da shi kamar haka:

A samo abarba da ba ta nuna ba.

A dauko ganyen yazawa (cashew) guda goma.

A samu cikin tafin hannu na ‘ya’yan auduga.

A tafasa su a kwalba goma na ruwa.

A rinka shan babban cokali daya a kullum har tsawon kwana goma.

2. Ciwon Hanta (Wani Hanyar Magani)

A markada namijin goro guda 20 har ya zama gari.

A zuba a cikin ruwan lemon tsami (Lime juice).

A kawo kwalba daya na zuma mai kyau a hada su duka a gauraya.

A rinka shan babban cokali daya (dessert spoon) sau hudu a rana har na tsawon watanni biyu.

3. Ciwon Hanta (Hanyar Ganyen Shuwaka Kadai)

A markada ganyen shuwaka guda 40.

A zuba cikin ruwa mai kyau da ya kai lita 4.

A rinka shan kofi guda sau uku a rana har na tsawon watanni biyu.

Idan ruwan ya dade, ana iya sake wani sabon jikon.

4. Zazzabi

A tafasa busasshen ganyen shuwaka (gram 10).

A samo gram 25 na busasshen garin tumaric.

A tafasa a cikin kofi daya na ruwa har sai ya tafasa.

A sanya zuma cokali daya bayan ya huce.

A sha sau uku a rana. Yana maganin zazzabi sosai.

5. Sankara (Cancer), Kari ko Kulun Da Ke Fita a Jiki

Shan ruwan da aka matse daga ganyen shuwaka yana taimakawa wajen rage girman kari da jinkirta ci gaban kwayoyin cutar sankara.

Yana kara karfin garkuwar jiki.

6. Hawan Jini

Ruwan ganyen shuwaka yana taimakawa wajen rage yawan gishiri a jikin mutum.

Yana dauke da sinadarin potassium mai yawa, wanda ke taimakawa wajen rage hawan jini.

7. Ciwon Suga

Yawan shan ruwan ganyen shuwaka yana rage yawan sugar a jini.

Ga yadda ake sha domin maganin hawan jini da na siga:

A samo rabin cikin tafin hannu na sabon ganyen shuwaka.

A wanke sannan a dafa a cikin ruwan da ya kai kofi 3.

A rinka shan ruwan sau biyu a rana.

8. Kaikayin Jiki

A samu gram daya na ganyen shuwaka da gram daya na garin citta.

A markada su har sai sun zama gari.

A sanya a cikin ruwa mai kyau a gauraya.

A rinka sha sau uku a rana. Yana maganin kaikayin jiki sosai.

9. Maleriya

A samo ganyen shuwaka cikin tafin hannu.

A dafa shi a cikin ruwan kofi hudu har sai ya rage kofi biyu.

A rinka sha sau uku a rana.

10. Ciwon Afendis (Appendix)

A samo busasshen ganyen shuwaka gram 30.

A hada da ruwa 400ml da babban cokali guda na zuma mai kyau.

A dafa har sai ruwan ya ragu zuwa rabi.

A kara wani cokali na zuma bayan ya huce.

A rinka sha sau uku a rana a kai a kai.

11. Zazzabin Shawara (Typhoid)

A samo ganyen shuwaka guda 10 zuwa 15.

A dafa har sai ruwan ya rage kofi daya.

A bar shi ya huce sannan a zuba masa zuma.

A rinka sha kofi daya a kullum.

Kammalawa

Ganyen shuwaka na da matukar amfani ga lafiyar dan’Adam. Idan aka yi amfani da shi yadda ya kamata, yana iya taimakawa wajen magance cututtuka da dama. Amma kafin a fara amfani da shi don magani, yana da kyau a nemi shawarar likita, musamman ga masu ciwon daji, hawan jini, da ciwon suga.

To wannan shene Allah ya bamu sa'a ameen