AMFANIN DADDAWA WAJEN ƘARAWA MUTANE LAFIYA. 
Asalin Daddawa ana samar da ita ne daga ƙwallon ƴaƴan bishiyar ɗorawa, wand ake kira da Kalwa. Kalwa wani abu ne da ake sarrafawa domin samar da daddawa, wadda yawancin al'umomin Najeriya da yankin Afirka ta Yamma ke amfani da ita domin kara wa abinci ɗanɗano.
Kalwa ce babban abin da ake sarrafawa wajen yin daddawa. Ma'aikatan lafiya sun ce tana da amfani mai yawa ga rayuwar ɗan Adam.
A taƙaice, kalwa na ɗauke da sinadari mai tasiri ga jikin dan Adam, musamman a ɓangarorin da suka shafi jini.
Amfanin Daddawa.
1 - Daddawa tana taimakawa wajen al'amarin da ya shafi iyali.
Kalwa wadda ake amfani da ita wajen haɗa daddawa na kunshe da sinadarin zinc, wanda kamar yadda bincike ya nuna yana kara mizanin kwayoyin halittta na testosterone, wanda ya fi yawa a jikin maza.
Har wa yau, bincike ya nuna cewa tana da sinadarin mineral, wanda ke kara ingancin kuzari da inganta rayuwar jima'i.
Wani dalili na sa Daddawa cikin abinci shi ne tana bunkasa kwayoyin halitta waɗanda suke jikin mutum, saboda ta kunshi sinadarin zinc, wanda shi ma yake taimakawa wajen kare mutum daga kamuwa daga wasu cututtuka.
2 - Daddawa tna taimaka wa lafiyar idanu.
Kalwa ta kunshi sinadarin gina jiki na Vitamin A wanda kuma yake taimaka wa idanu da kuma hana kamuwa da cutar makanta.
Tana yin hakan ne ta hanyar samar wa wani bangare na ido da ake kira 'cornea' kwayoyin halitta na antiodidants waɗanda suke taimakawa wajen hana kamuwa da matsalolin da kan shafi idanu.
3 - Daddawa tana ƙara nagartar kasusuwa da lafiyar haƙora.
Kalwa har ila yau ta kunshi sinadarin calcium wanda shima yana taimakawa wajen samar da nagartattun kasusuwa, hakan ma yana taimakawa wajen lafiya da kuma ingancin hakora.
4 - Dadda na sauƙaƙa narkar da abinci da kuma amfaninsa.
Sinadaran Lipids wanda ke cikin jiki na taimakawa matuka wajen narkar da abinci kamar yadda ya kamata da kuma wasu abubuwan da ya kunsa.
Allah ya bamu lafiya da zaman lafiya
Kuyi Sharing saboda yan uwa da abokan ariziki su amfana 🙏
Comments
Post a Comment